الوردة البنفسجية: طريقة كيكة

كيكة ايس كريم الاوريو

المقادير ..

1 قيمر

2 جلكسي

2 مارس

1 فليك

بسكوت اوريو

علبة ( حجم عائلي ) ايس كريم فانيليا

كيك سرالي المخلوط ( ككاو + فانيليا ) .. اذا ماتواجد اخذوا نص كيكة فانيليا ونص ككاو ةاذا ما تواجد استخدموا كيكة ككاو

__________________________________

الطريقة ..

اخذي الكيكة وفتفتيها صغار صغار .. وبعدين يبي صحن الكيك الي يتبطل وحطي الكيك المفرفت فية ورعصية بيدج علشان يتماسك وحطيهابالثلاجة على ما تتماسك

بعدين اخذي الاوريو وكسرية صغار صغار بس مو تطحنييينة لاء يعني صغار بس تحسين فية <<< عاد فهموها ههههههه

ويبي الايس كريم الفانيليا وخلطي معاة الاوريو و طلعي الكيكة من الثلاجة وحطي الايس كريم فوقها ودخليها الفريزر لين يتجمد البرد ..

الحين نسوي الصلصة

ناخذ الجلكسي والمارس ونسوي لهم حمام مائي لين يذوبون بعد ما يذوبون حطي فوقهم القيمر وخلطي بسرعة وهم على الحمام المائي علشان ما يتكتل القيمر وشيلية وخطيهم على جنب

لما تحسين انهم شوية بردوا طلعي الكيكة من الفريزر وحطي فوقها الصلصةودخليها الفريزر علشان تبرد وتتجمد ...

ولما تتجمد طلعيها وفتحي الصحن عنها و حطيها في صحن تقديم سنع وقدميها وبالهنا والشفاااا


ايي نسيت قبل التقديم فرفتوا الفليك فوقها <<<< زينوها يعني بالفليك


اتمنى انها عجبتكم :D :lol!:

الكيكة بجنن وطعمها لذيذ يممممممممي
:geek:

ان شاء الله راح اسويها خخخخخخخخخخخخخخخ انشاء تطلع مثل قولتك يا m!ss p!nk
وتسلمين ما قصريي سلااااااااااااااااام

مشكووووورة اختي